18–19-oktabr kunlari Xorazm viloyatining qadimiy Xiva shahrida joylashgan “Arda Xiva” majmuasida “Gilamlar jilosi–2025” xalqaro ko‘rgazma-festivali bo‘lib o‘tdi. 

  Xivа turizm va madaniy meros texnikumi o‘quvchilari ham mazkur festivalda faol ishtirok etishdi. Ular milliy va zamonaviy gilamlar ko‘rgazmasini tomosha qilib, gilamchilik san’atining nozik jihatlari bilan yaqindan tanishdilar. Shuningdek, ular mahoratli ustalar tomonidan o‘tkazilgan master-klasslarda qatnashib, qadimiy gilam to‘qish usullari haqida qimmatli bilimlarga ega bo‘lishdi.

    Mazkur tadbir yoshlarning estetik didini oshirish, milliy qadriyatlarni asrab-avaylash hamda madaniy merosni keng targ‘ib etishga xizmat qildi. Ishtirokchilar tomonidan bunday ko‘rgazma va uchrashuvlarni muntazam o‘tkazish zarurligi alohida ta’kidlandi.

Texnikum talabalari “Gilamlar jilosi” festivalida nafaqat maroqli vaqt o‘tkazishdi, balki o‘z sohalari bo‘yicha amaliy va ma’naviy tajribaga ega bo‘lishdi.