O‘zbekiston Respublikasi Oliy ta’lim, fan va innovatsiyalar vazirligi huzuridagi Professional ta’limni rivojlantirish instituti va Gyote-Institutining O‘zbekistondagi filialining hamkorlik memorandumiga asosan, Xiva turizm va madaniy meros texnikumi vakillari amaliy tashrif bilan Germaniya Federativ Respublikasida bo‘lib turibdi. 
Tashrif davomida O‘zbekistonning Germaniyadagi favqulodda va muxtor elchisi, Germaniyaning turizm vazirligi davlat kotibi, Flensburg shahrining Savdo-sanoat palatasi raisi, Gyote-Instituti vakillari va qator soha mutaxassislari bilan uchrashuvlar o‘tkazilib, ikki mamlakatning kasbiy ta’lim sohasidagi imkoniyat va tajribalari bo'yicha  taqdimotlar namoyish etildi. 
Uchrashuv yakunida, tomonlar kelgusida bu ta’lim yo‘nalishida yaqin hamkorlikni rivojlantirish, xususan, Xiva turizm va madaniy meros texnikumi talabalarning Germaniyada amaliyot o‘tashlarini tashkil etish masalasida kelishuvlarga erishdilar.